Drita pa ndalesë, thyen Drenicën dhe mban kreun
Drita e Gjilanit vijon të fitojë në Superligën e Kosovës duke u shkëputur në krye të tabelës së klasifikimit. Në javën e 9-të skuadra e Nuhiut fitoi 2-1 me Drenicën duke shkuar te tri pikët vetëm në minutat e fundit të takimit me Tahirin.
Në dy sfidat e tjera të orës 13:00, Dukagjini mundi thellë Ferizajn 4-1 ndërsa Llapi i Podujevës nuk shkoi më larg se barazimi 1-1 me Malishevën.
Nesër java vijon me dy sfidat e tjera të kalendarit teksa Ballkani pret në një supersfidë Gjilanin. Kjo do të jetë ndeshja e parë e kampionëve të Kosovës në Suharekë për këtë edicion. Ndërkaq, Prishtina pret Trepçia’89. Të dyja takimet startojnë në 13:00. Sportiim.al/
