Reja i heq fitoren Shqipërisë
- Mbrëmje dramatike në ‘Air Albania Stadium’, Shqipëria mbërrihet nga Islanda në të 97′. Reja prish ekiulibrat me zëvendësimet, kryen 5 ndërrime dhe pas dëmtimit të Ismajlit luan me një futbollist më pak për afro 15 minuta.
Përfundon Nations League, Spanja surprizon Portugalinë, Shqipëria nuk di të fitojë.
Shqipëria barazohet nga Islanda në minutën e 97′-të. Kuqezinjtë ishin në avantazh me golin e Lenjanit në pjesën e parë, por u barazuan në mënyrë surprizuese nga miqtë që luanin me një lojtar më pak për më shumë se 80 minuta.
Kështu, kuqezinjtë e mbyllin të fundit në grup me vetëm 2 pikë duke u parakaluar nga Islanda dhe Izraeli që siguroi ngjitjen në Ligën A.
Sakaq, Spanja befasoi Portugalinë me një gol në minutën e 88′-të nga Alvaro Morata. Vetëm fitorja mund t’i dërgonte në katërshe spanjollët të cilët i rrëmbyen vendin e parë portugezëve në limite të sfidës që u duk se po shkonte drejt barazimit.
Edhe Kosova e mbyll më së miri Ligën e Kombeve duke mposhtur me rezultatin e thellë 5-1 Qipron dhe duke siguruar vendin e dytë në renditje pas Greqisë që ngjitet në Ligën B.
Rezultatet:
Liga A, Grupi 2:
Portugali – Spanjë 0-1
Zvicër – Republikë Çeke 2-1
Liga B
Grupi 1:
Irlandë – Armeni 3-2
Ukrainë – Skoci 0-0
Grupi 2:
Shqipëri – Islandë 1-1
Grupi 4:
Norvegji – Serbi 0-2
Suedi – Slloveni 1-1
Liga C, Grupi 2:
Greqi – Irlandë e Veriut 3-1
Kosovë-Qipro 5-1
