Juve mbetet prapa, Reali përmbys Muriqin
Mbyllet në barazim 2-2 ndeshja dramatike mes Juventusit dhe Salernitanës, ku nuk munguan përplasjet, kartonat e kuq dhe golat e anuluar.
Miqtë udhëhiqnin 2-1 deri në minutën e 93′-të, kur Bonuçi gabon nga pika e bardhë e penalltisë, por kthen në gol topin e pritur nga Perin. Pak sekonda më vonë, Bonuçi tund sërish rrjetën e Salernitanës me një gol që anulohet për pozicion jashtë loje.
Ka përplasje të forta mes lojtarëve në minutat e fundit të sfidës dhe lumë kartonësh të kuq. 3 të ndëshkuar në radhët e Juventusit, përfshirë edhe trajnerin Alegri, i cili bashkë me Milik dhe Kuadradon do të mungojnë ndeshjen e ardhshme. Për Salernitanën, “skuqet” vetëm Fazio.
Ndërkohë Atalanta nuk ka shkuar më shumë se një barazim 1-1 në ndeshjen e javës së gjashtë të Serie A përballë Kremonezes, ndërsa Lacio nuk zhgënjen përballë Veronës.
Për të kaluar më Spanjë aty ku Vedat Muriqi gjen sërish golin me skuadrën e Majorkës, por përballë Realit të Madridit fitorja ishte e pamundur. Madrilenët përmbysën golin e kosovarit duke gjetur 4 herë portën e miqve.
Po 4-1 u ndëshkua dhe Elçe nga Atletik Bilbao, ndërsa Getafe surprizoi Real Sociedadin me fitoren 2-1. Fiton gjithashtu Real Betis përballë Vijareal.
Sakaq, Bundesliga luajti 2 sfidat e fundit të javës së gjashtë. Union Berlin mposht minimalisht Këlnin dhe merr kryesimin e klasifikimit, teksa mbyllet pa gola Frajbrug – Gladbah.
Rezultatet:
Serie A:
Atalanta – Kremoneze 1-1
Bolonja – Fiorentina 2-1
Leçe – Monza 1-1
Sasuolo – Udineze 1-3
Lacio – Verona 2-0
Juventus – Salernitana 2-2
La Liga:
Real Madrid – Majorka 4-1
Elçe – Atletik Bilbao 1-4
Getafe – Real Sociedad 2-1
Real Betis – Vijareal 1-0
Bundesliga:
Këln – Union Berlin 0-1
Frajburg – Borusia Gladbah 0-0
Ligue 1:
Strasburg – Klermont 0-0
Azhaksio – Nicë 0-1
Anxhers – Montpelje 2-1
Lorient – Nantes 3-2
Tuluzë – Reims 1-0
Renës – Auxerre 5-0
Monako – Lion 2-1
