Tirana-Vllaznia hap javën, ndryshon orari…
Superiorja mbylli të hënën javën e dytë të saj nga 36-të të parashikuara për sezonin futbollistik 2022-23.
Partizani pasi mundi dje me një lojë diktuese Laçin 1-0 në ‘Elbasan Arena’, figuron e vetmja skuadër me pikë të plota, 6-të. Ndonëse është vetëm fillimi të kuqtë në krye dhe Egnatia në fund (zero pikë), kanë përcaktuar ekstremet e renditjes provizore të edicionit të ri.
Ndërkaq akti i tretë sezonal do të luhet në tri ditë. Kjo javë nis të premten me klasiken Tirana- Vllaznia e parashikuar të zhvillohet në ‘Air Albania Stadium’. E shtuna servir dy duele të tjera; Erzeni-Teuta dhe Kukësi-Kastrioti ndërsa të dielën Laçi- Egnatia dhe Bylis- Partizani.
Më tej, nisur nga programimi i Departamanetit të Garave në FSHF, konstatohet se kjo javë përkon dhe me ndryshimet në orare.
Kështu, të gjitha takimet janë planifikuar të nisin me orën e re 15:00. Përjashtim bën vetëm takimi i së premtes teksa Tirana- Vllaznia luhet në 16:00.
Programi i javës së tretë (Abissnet Superiore):
E premte 16:00
Tirana- Vllaznia (‘Air Albania Stadium’)
E shtunë 15:00
Erzeni-Teuta (‘Niko Dovana’)
Kukësi-Kastrioti
E diel 15:00
Laçi- Egnatia
Bylis- Partizani /Sportiim.al/