Bierhof: Gjermania e femrave, moment historik
Menaxheri i përgjithshëm i Federatës së Futbollit të Gjermanisë Oliver Bierhof foli për UEFA-n lidhur me humbjen e përfaqësuesës së femrave gjermane në finalen e Kampionatit Europian kundër Anglisë luajtur të dielën në “Wembley’ (Angli- Gjemani femra, 2-1 pas kohës shtesë).
Drejtuesi i lartë tha duke shpjeguar se e konsideron këtë turne si një moment historik në zhvillimin e lëvizjes së futbollit të femrave gjermane:
“Ekipi ynë luajti një turne të madh dhe e meritonte fitoren, por fatkeqësisht nuk mjaftoi. Motoja jonë, e cila vlen për të gjitha ekipet tona kombëtare është rikthimi në majat e botës dhe performanca e ekipit tonë në Angli ka qenë e shkëlqyer deri në fund.
Pavarësisht humbjes, ky turne do të përfaqësojë një moment historik në zhvillimin e futbollit të femrave në Gjermani. Kjo paraqitje e kombëtares sonë i jep një motiv shtesë të gjithë DFB-së në kuadër të Botërorit të ardhshëm për meshkuj”, deklaroi Bierhof.
