Tirana ndalet sërish, Laçi ka Guindon, bien krutanët

Nga Sporti Im 3 vjet më parë

Sulmuesi i Laçit ngjitet në krye të golashënuesëve me 16 gola, post Tirana- Teuta përfshihet nga tensioni.

Javë pas jave shtyhet festa e Tiranës për të zyrtarizuar titullin kampion të edicionit të 83 Kombëtar të futbollit. Ndaj Teutës sot në Selman Stërmasi, bardheblutë e Shehit barazuan 1-1 duke i dërguar në tre takimet pa fitore (dy humbje një barazim).

Në sprintin final, Tirana duket nervoze ndërsa veç mungesës së fitores sot humbi për takimin e radhës në derbi me Partizanin dhe dy titullarë për protesta si Najdovski e Xhixha.

Në Rrogozhinë, Egnatia- Laçi u vendos nga cilësia e bardhezinjëve të cilët fituan 0-2 duke gjetur golat me Guindon që arrin në kuotën e 16 golave (në fakt 17 por relatorët ia mohuan një gol pikërisht në Rrogozhinë ndaj Teutës).

Fiton dhe Skënderbeu ndaj Kastriotit në shifrat 2-0 duke i dhënë një bonus vetes në tetntativen për qëndrim. Krutanët thyhen pas 9 rezultateve pozitive (8 fitore dhe 1 barazim).

Kukësi- Partizani u zhvillua dje në Kukës (1-2) ndërsa nesër luhet Dinamo- Vllaznia në Elbasan.

Java e 32:

Tirana- Teuta 1-1

Egnatia-Laçi 0-2

Skënderbeu- Kastrioti 2-0

Kukësi-Partizani 1-2 (luajtur dje)

Dinamo- Vllaznia nesër në 16:45 në ‘Elbasan Arena’/Sportiim.al/

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!