Korabi thyen Tomorin, qëndron i treti
Korabi-Tomori 1-0 (T. Marku 59′)
Korabi luajti sot ndeshjen e prapambetur të javës së 16-të dhe merr tri pikë ndaj Tomorit të Beratit.
Dueli i luajtur në kushte të mira atmosferike ka folur kryesisht për skuadrën e Artan Mërgjyshit e cila me futbollistë si Sefgjini, S. Mziu, Taulant Marku etj, ka shënuar golin me vlerë tri pikësh pikërisht në minutën e 59′-të ndeshjes.
Goli ka firmën e pukjanit 27 vjeçar Taulant Marku, goleadorit absolut të skuadrës verilindore. Sulmuesi pasi luajti te Kastrioti për disa sezone kaloi gjatë 2020-ës te dibranët.
Me këtë fitore Korabi arrin në kuotën e 41 pikëve. Shtatë më pak se Erzeni i vendit të dytë dhe 9 më pak se Bylis. Kategoria e Parë luan edhe 9 javë.