Inzagi: Ndaj Liverpulit jo inferiorë

Inter- Liverpul të mërkurën me start orën 21:00 në ‘San Siro’.

Trajneri i Interit, Simone Inzagi, doli në 13:45 në konferencë shtypi. Nga Appiano Gentile, trajneri foli për ndeshjen e madhe të nesërme kundër Liverpulit, për llogari të vajtjes në Champions:

“Sa i përket skuadrave angleze, mendoj se janë shumë të forta duke qenë se pothuajse të gjitha kanëfituar grupet e tyre. Liverpol është sigurisht një nga skuadrat më të forta në Europë për momentin, por jam i lumtur sepse lojtarët tanë meritojnë të luajnë ndeshje të tilla. Ne do të përpiqemi të luajmë me armët tona”

Më poshtë pjesë nga konferenca e trajnerit të Interit:

Rivali- “Liverpool është favorit në letër, por ndeshjet duhen luajtur, ne duhet të propozojmë lojën tonë memendësitë tona. Vendosmëria do të bëjë diferencën dhe ne kemi shumë për të shitur.”

Çfarë ju bën më të sigurt për nesër? – “Sinjalet që më jep skuadra, të shtunën bëmë një ndeshje të shkëlqyer ndaj një Napoli shumë të fortë, në pjesën e parë bëmë një lojë normale kur na duhet më shumë në këto sfida. Mbetëm në lojë pavarësisht penalltisë dhe në pjesën e dytë ne jemi kthyer me një dëshirë të madhe për të fituar. Jam i bindur, nuk do të fillojmë të mundur “

Pse duhet të luajë Lautaro Martinez? Dhe pse Sançez? – “Të gjithë kanë shanse të barabarta për të luajtur nesër, ne kemi pasur ndeshje intensive, dy do të luajnë, një do të luajë. Nesër do të vendos, por kam fatin të kem lojtarë të pjekur që pranojnë zgjedhjet. Përpiqem t’i rrotulloj ato, të rikuperoj energjinë, veçanërisht ato mendore “

A jeni i kënaqur me paraqitjet tuaja të fundit në Seria A? – “E dinim se do të luanim pas Milanit dhe Napolit. Jam i kënaqur sepse patëm një derbi të mrekullueshëm për 70 minuta, pjesa e dytë në Napoli ishte shumë pozitive. Natyrisht që nuk jam i kënaqur me këtë pikë nga gjashtë në dispozicion. Turneu do të luhet në detaje, deri në fund”.

Çfarë keni mësuar nga ndeshja e Milanit kundër Liverpul? – “Ne i kemi parë ato ndeshje, veçanërisht ndeshjet e tyre të fundit në Premier League, ata kanë një skuadër të gjatë dhe një trajner të madh. Duhet të jesh shumë i mirë edhe kur ata kanë topin.”