Daja ikën nga Partizani
● Pas Vukiçeviç, Maganit, Martinit e Ndreut, Ilir Daja bëhët trajneri i 5-të që largohet nga një skuadër e Superiores këtë sezon.
Nuk kishte se si të funksiononte më gjatë. Ilir Daja pasi drejtoi Partizanin në 16 muaj, ndahet përfundimisht me të kuqtë. E gjithë periudha te Partizani me Dajën në timon ka njohur ulje ngritje të mëdha. Në kufinjtë e zhgënjimit…
Sidomos gjatë 15 javëve të këtij sezoni ku të kuqtë nuk u ngjitën asnjëherë në nivelin e skuadrës pretendente. Humbja e fundit në derbi me Tiranën 1-2, i ka vënë kapakun vijimësisë.
Ndërkaq, deklarata e presidentit Demi se ‘Daja do të qëndrojë te Partizani sa të jem un president’,sot ka rënë.
Për Dajën teksa më parë ka drejtuar Pogradecin, Elbasanin, Besën, Tiranën, Dinamon, Skënderbeun e Flamurtarin, pritet vetëm njoftimi zyrtar nga klubi 16 herë kampion i vendit. Tani për 55 vjeçarin vjen statusi i ishit./Sporti im.al/
