Java e 5-të në një vështrim
Golat e Vesel Limajt (Tirana) dhe Fjoart Jonuzit (Vllaznia) bukuria e javës së 5-të.
Java e 5-të me atë që prodhoi në tri ditë në fushë, veç shifrave teknikë dhe golave kartolinë, dha dhe disa mesazhe të fortë. Skicoi më mirë pretendentet, evidentoi dukshëm futbollistët e afruar gjatë merkatos (cilësitë) dhe shkarkoi trajnerin e parë (Laçi, Dejan Vukiçeviç).
Pati dhe anomali me VAR (u shua te Partizani- Kukësi, mund të bëhët precedent i rrezikshëm, -redaktori) por dhe me energjinë elektrike si në kryeqytet te impianti ‘Air Albania Stadium’.
Befasoi Egnatia me atë fitore të çmuar në fushën e Laçit që ende vijon të mos jetë më ekipi me stilin fitues. Dukshëm u rrit Kastrioti teksa me dy gola e mbi të gjitha me dinamikën e lojës, mposhti korçarët në Kamëz 2-0.
Të shtunën në ‘Air Albania Stadium’, pjesa e dytë e Partizani- Kukësi për nga ritmi, grinta, golat e spektakli, më e mira prodhuar deri tani në 5 javë.
Po në këtë ditë, Tirana e karakterizuar nga egoja e një skuadre triumfuese, zvogëlon Teutën me atë rezultat 2-3 në ‘Elbasan Arena’.
Dueli i së hënës në ‘Loro Boriçi’ mes Vllaznisë dhe Dinamos prodhoi nëntë gola. E thotë tabela elektronike e impiantit në veri të vendit.
Java e 5-të Abissnet Superiore:
Shifrat:
Laçi- Egnatia 0-1
Kastrioti-Skënderbeu 2-0
Partizani- Kukësi 1-1
Teuta-Tirana 2-3
Vllaznia-Dinamo 6-3
Klasifikimi pas javës së 5-të:
