Sot/ Dinamo-Partizani, derbi i harruar
Nis sot java e katërt e Abissnet Superiore me supersfiden Dinamo -Partizani. Më pas ndalesa dyjavore për shkak të ndeshjëve të Kombëtares kuqezi me Hungarinë (Puskas Arena) dhe Poloninë (Air Albania Stadium).
Dinamo-Partizani sot në 19:45 në ‘Elbasan Arena’, rikthehet në një sfidë specifika e së cilës ka brenda histori të shumtë sportive. Kapur nga “vargonjtë” e mungesës së impiantëve sportive në kryeqytet, derbi numër 136-të i gjen të dyja skuadrat e mëdha të vendit jashtë Tirane.
Ndërkaq,java që i dërgon skuadrat te sfida e mbërmjes së sotme, e gjitha e pasur me zhvillime. Tej faktit absurd teksa si Dinamo ashtu dhe Partizani u stervitën për disa ditë në të njëjtin ‘kompleks’ (Football Repubic), deklarimet e kampeve respektive kryesisht në konferencat për shtyp, mishëroi idenë se fitorja në përballjen e Elbasanit i duhet deomos skuadrave të drejtuara nga Shkëmbi e Daja.
“Do guxojmë të fitojmë”, tha Shkëmbi. “Jam në kahun tjetër dhe dua fitoren” u shpreh daja teksa iu përmend fakti që ndeshjen e fundit tekniku e kishte fituar si teknik i Dinamos.
Blutë vijnë më mirë ndërsa në tri takime kanë 2 barazime e një fitore. E kundërta në kampin e kuq ku skuadra e Ilir Dajës ende nuk ka shijuar fitoren e parë. Partizani ka dy barazime dhe një humbje.
Për të evidentuar historinë e trofeve e cila në dy kompeticionet kryesore në vend vjen e barabartë. Dinamo 31 trofe (18 kampionate dhe 13 Kupa) por po kaq ka dhe Partizani 31 (16 kampionate dhe 15 Kupa).
Formacionet e mundshme:
Dinamo: Harizaj; Siljanovski, Sofranak, Imami, Isaevski; Sidibe, Besir Demiri, Samake; Ibraimi, Mihana, Çinedu. Tr: Blendi Shkëmbi
Partizani: Hoxha; Albion Marku, Belica, Dajan Shehi, Musta; Mala, Kaçe, Herald Marku; Filipoviç, cara, Stenio Zhunior. Tr: Ilir Daja
Do të gjykojë Kreshnik Cjapi i kolegjumit të Fierit.
/Sportiim.al/
