I 83-ti, Superiorja luan javën e parë

Data zyrtare e FSHF-së për startin e kampionatit të 83-Kombëtar të futbollit është pikërisht sot në 11 shtator 2021. Megjithatë dje në ‘Elbasan Arena’, ‘gongu’ ra për Teuta- Partizani (1-0).

Sektori i Garave ka planifikuar të luhet në tri ditë ndërsa sot dhe nesër 4 çiftet e mbetura do të luajnë premierën e tyre sezonale. Do të jenë Laçi- Vllaznia dhe Tirana- Skënderbeu takimet e ditës. Ata do të zhvillohen në orën 13:45 në Laç dhe në ‘Selman Stërmasi’ të Tiranës.

Ndërkohë të dielën radha e Egnatia- Kukësi në Rrogozhinë dhe Kastrioti- Dinamo në Kamëz.

Sigurisht risitë nisën dje kur Kategoria Superiore këmbeu zyrtarisht emër duke u tjetërsuar për tri vitet e ardhëshme në ‘Abissnet Superiore’.

Sakaq, e reja e madhe e elitës së futbollit shqiptar, lidhet me sistemin e teknologjisë VAR. Ajo u praktikua për herë të parë në një sfidë kampionati pikërisht dje në Teuta- Partizani.

Ndeshjet Abissnet Superiore, java e parë:

Sot, 13:45

Laçi-Vllaznia

Tirana- Skënderbeu

Nesër 13:45

Egnatia- Kukësi

Kastrioti- Dinamo (Kamëz)

Teuta- Partizani 1-0 (luajtur dje në Elbasan)/Sportiim.al/