Mesi tre gola, Kili rrezikon të mbetet jashtë
Mesi thyen rekordin e Pele (77) me 79 gola në Amerikën e Jugut.
Trazirat dhe shtyrja e ndeshjes (pritet vendimi nga FIFA) kualifikuese ‘Katar 2022’ për Amerikëne Jugut i perket të shkuares pasi gjatë natës, në kontinentin latin, janë luajtur ndeshjet e radhës.
Kështu Lionel Mesi udhëheq Argjentinën në fitoren 3-0 ndaj Bolivisë me sulmuesin e PSG-së që realizon të tri golat e ‘abiçelestëve’ duke thyer edhe rekordin e ‘Mbretit’ Pele që numëronte 77 rrjeta në Amerikëne Jugut.
Uruguaji kalon me një gol në të 92′-n Ekuadorin në Montevideo ndërsa Paraguaji mund Venezuelën 2-1.
Fatale humbja e Kilit në transfertë me Kolumbinë 3-1. Kur është luajtur gjysma e garës, kilianët rrezikojnë seriozisht të mbetën jashtë Botërorit me 6 pikë larg zonës play off.
Edhe Brazili merr tri pikë të tjera. Me dy gola të shënuar nga Everton dhe Nejmar, ekipi i Tite mundi pastër Perunë.
Pas nëntë xhirove, Brazili kryeson me 24 pikë i ndjekur nga Argjentina me 18. Brazili dhe Argjentina kanë një ndeshje më pak.
Ndërkaq për Amerikën e Jugut vlejnë 4 vendet e para të cilat shkojnë menjëherë në Botëror. E pesta shkon në play off me një përfaqësuese nga zona e Oqeanisë. Fituesja i bashkëngjitet Botërorit ‘Katar 2022’.
Rezultate zona e Amerikës së Jugut:
Uruguaji- Ekuador 1-0
Argjentinë-Bolivi 3-0
Paraguaji- Venezuelë 2-1
Kolumbi- Kili 3-1
Brazil- Peru 2-0