Mesi, pritet zyrtarizimi te PSG
Lajmet që vijnë nga Franca e afrojnë ndjeshëm me PSG. Kontrata 2+1 gati për ‘Pleshtin’.
Sipas asaj që raportohet nga RMC Sport Lionel Mesi ka zgjedhur Paris Saint-Germain. Kjo situatë bën fjalë për një kontratë dy-vjeçare plus një opsion për një sezon të tretë. Klubi francez synon të mbyllë marrëveshjen deri në fundjavë dhe babai i Lionel Mesit pritet të takohet me menaxhmentin në orët e ardhshme.
Në fakt pas PSG-së, Sitit edhe Çelsi paraqiti interes për 34 vjeçarin në fund karriere. Megjithatë një foto e Di Marias postuar në rrjete tregon se Mesi tashmë e ka marrë një vendim. Ai po përforcohet nga ora në orë dhe shpejt pritet të vijë zyrtarizimi.