Firma/ Balaj te debutuesit e Rusisë
Bekim Balaj sulmuesi kuqezi rikthehet të luajë përsëri në kampionatin rus. Pas dy edicionëve me ulje-ngritjeje te austriakët e Sturm Graz shkodrani 30 vjeçar, ia del të firmosë për Nizhni Novogorod. Do të mbajë numrin 11-të dhe takimin e parë e luan me Soçin.
Ishte vetë klubi i ri por dhe faqja zyrtare e kampionatit rus që ka bërë publik lajmin. 30-vjeçari ka firmosur për dy sezone me skuadrën që u ngjit këtë sezon në Premier Ligën e Rusisë.
Me Akhmat Grozy , Balaj u aktivizua për tri edicione ndërsa për mediat ruse fill pas akordit ai është shprehur:
“Në fund të sezonit të kaluar, u thirra në ekipin kombëtar shqiptar për ndeshje miqësore me Uellsin dhe Republikën Çeke, të cilat u zhvilluan në fillim të qershorit. Më pas pata një pushim të shkurtër. Ndërkohë, fillova të marr oferta nga klube të ndryshme, por zgjodha Nizhny Novgorod.
E njoh shumë mirë Premier League të Rusisë. Ky është një kampionat shumë i fortë, interesant dhe pa hezitim, vendosa të rikthhem përsëri në këtë atmosferë të paharrueshme”,ndër të tjera Balaj