Tenisi nën hetim, bastet…
Nuk bëhën të ditur se cilët janë protagonistet por dy ndeshje janë në hetim.
Plas skandali basteve në tenis. International Tennis Integrity Agency (ITIA) ka bërë me dije se është duke hetuar dy ndeshje tenisi të ‘Grand Slam’-ve të Wimbledon, i luajtur në ishull pak ditë më parë.
Vendosja e një sasie shumë të madhe parash në baste në dy takime dhe luahatjet e koeficentëve në mënyrë të habitëshme, ka bërë që dyshimet të jenë të forta.
“Ne po analizojmë çdo të dhënë, qarkullimin e parave si dhe vetë ndeshjen. Do të kemi një hetim të detajuar dhe shumë konfidencial”, thanë drejtuesit e ITIA, një shoqëri e krijuar në tenis për të hetuar rastet e basteve korruptive në tenis.
