Rroca: Ftoj Rejan në Stamboll…
Dy muaj më parë në një ekskluzive fantazisti shqiptar deklaronte:
‘Nuk e di se çfarë duhet të bëjë më shumë një futbollist për të marrë një ftesë në Kombëtare”. Ndërkohë tani Rroca mediton mungesën në Kombëtare duke shigjetuar stafin teknik…
I ftuar në një program sportiv, Eduart Rroca teksa shkëlqeu me skudarën e tij në Turqi ka mbetur i habitur se si i mungon një ftesë nga stafi teknik i kuqezinjëve.
Librazhdasi nuk di t’i japë shpjegim faktit që ende nuk ka marrë ftesën e Rejas ndërsa në RTSH, ka deklaruar se fton 75 vjeçarin ta vizitojë në Stamboll e të ndjekë ndeshjet që ai me Istanbuspor luan në Ligën e Parë turke.
“Mungesa e ftesës? Nuk di as unë si ta shpjegoj. Meqë ftesa nuk po vjen, meqë jam më i vogël, po e ftoj unë trajnerin Reja të vijë të shohë një ndeshje në Stamboll. Se luhet futboll edhe te Istanbulspor.
Meqë ftesa nuk po më vjen mua, i bëj unë ftesë”, ishin fjalët e mesfushorit mbrëmjen e së mërkurës për RTSH.