Tifozët anglezë: Jemi me fat të ndjekim finalen në Porto
Nga Stambolli në Porto për të luajtur në 29 maj, finalen e madhe të Ligës së Kampionëve Çelsi- Mançester Siti. Dueli i shumëpritur me dy skuadra angleze, do të luhet në stadiumin e Portos ‘Estadio Do Dragao’.
Një impiant modern me kapacitet prej 50.000 vende ndërsa 25% e stadiumit do të jetë në dispozicion të publikut anglez dyngjyrësh.
Tifozët anglezë kanë marrë lajmin e madh se ata mund të udhëtojnë lirshëm drejt stadiumit ‘Dragao’.
Autoritet portugeze kanë konfirmuar faktin se tifozët nga Mbretëria e Bashkuar do lejohen të futen në shtetin luzitan që nga e hëna.
“Pavarësisht të gjithë problemeve që kemi pasur ditët e fundit, mund të themi se jemi me fat që kemi mundësinë të shkojmë dhe të shohim një ndeshje futbolli. Do të jetë finalja e Ligës së Kampionëve dhe ne do ta shohim atë në një shtet të bukur”, ka thënë Kevin Parker kreu i tifozëve të Sitit.