Al Kelaifi zgjidhet i pari i ECA, Ceferin e përgëzon
Komiteti Ekzekutiv i shoqatës së klubeve Evropiane (ECA) ka emëruar Naser Al Kelaifin, president dhe CEO i Paris Saint-Germain, si presidentin e tij.
Menaxheri i Bajern Mynih, Mikael Gerlinger është emëruar zëvëndës i parë dhe do të bashkohet me aktualët Edvin Sar (Ajax), Dariusz Mioduski (Legia Warsaw) dhe Aki Riihilahti (Helsinki).
Ndërkaq Aleksandër Ceferin, presidenti i UEFA-s, përgëzon Al Kelaifin, presidentin e PSG-së për zgjedhjen si presidenti i ri i ECA:
“Futbolli ka nevojë për njerëz të mirë në pozitat e përgjegjësisë. Ai është një njeri që mund ti besojmë”, shkruan Ceferin për presidentin e klubit francez. Al Kelaifi nuk u përfshi në ‘puçin 12’ të Superligës.