Reali shpëton “lëkurën” me Vinicius
La Liga: Real- Sociedad 1-1
Nuk fiton Real Madrid në një ndeshje vendimtare për fatet e kreut. 25 javë nga 38 në total, me ekipin e Zidan që sheh t’i largohet kreu duke u ndalur te 1-1 me Real Sociedadin në ‘Alfredo Di Stefano’.
Kjo është panorama e La Liga në Spanjë. Kryeson Atletiko me 58 pikë e një ndeshje më pak ndërsa ndjekin Real e Barcelona me nga 53.
Sakaq, ndeshja e sotme u shoqërua nga presioni i madh i Realit në pjesën më të madhe të lojës. Mungesat e disa titullarëve u ndjenë së tepërmi.
Kryesisht ajo e Ramos në mbrojtje dhe Benzemasë në majë. Goli i parë i takoi Portusë në start të pjesës së dytë. Barazoi Vinicius për madrilenët në të 89′-ën.
Në Premier League, Everton kaloi 1-0 Sauthempton me një gol të Riçarlison në të 9’ën.