Adili: Një minutë me Kombëtaren ëndërr, Sherri luan…
Mevlan Adili mbrojtësi i Vllaznisë tha sot në ‘TV1 Channel’ se ai nuk është i vetmi lider te Vllaznia.
Sipas shqiptarit 26 vjeçar nga Maqedonia e Veriut, është e kotë të flitet për supermaci të Partizanit në përballjen e fundit (‘Elbasan Arena’ 0-0) pasi ish-mbrojtësi i Shkupit dhe Shkëndijës së Tetovës, mendon se ishte Alban Hoxha i skuadrës së kuqe ai që paraprakisht shpëtoi rezultatin.
Lider…
“Nuk është e thënë që jam i vetmi lider. Dje isha unë ndeshjen tjetër mund të jenë të tjerë”.
Rastet e Partizanit?
“E vërtetë që topi mbeti në baltë dhe Partizani mund ta fitonte por mjaft më me këto argumenta pasi ishte portieri Alban Hoxha ai që shpëtoi i pari një gol të sigurtë te porta e tij.”
Brdariç?
Për fat të keq nuk e takova te Shkëndija. Është profesionist dhe kjo po shihet nga java në javë..
Kombëtarja kuqezi?
“Ëndrra e çdo shqiptari të Maqedonisë së Veriut është të veshë një ditë fanellën e Kombëtares. Një ndjenjë e fortë sidomos për shqiptarët e Maqedonisë së Veriut pasi atje do krenohej i gjithë vendi.Nëse do luaja qoftë dhe një minutë me Kombëtaren, do të isha njeriu më i lumtur në botë.”
Laçi?
Na pret një ndeshje e fortë. Laçi është një skuadër shumë e fortë. Ka një trajner si Duro, mjeshtër.
Do jetë dhe një futbollist i tyre që do luajë kundër ekipit të zemrës. (E ka fjalën për Alen Sherrin: redaktori)
Mungesa e Mazrekajt favor?
“Nuk mendoj ashtu. Ngarkesa më e madhe jona është mungesa e Ardit Krymit. Analizat i bëjmë si ekip. Të gjithë kur vijnë të lujanë kundër Vllaznisë sikur stepën.” /Sporti im.al/