Shëndetësia i hap udhë baskebollit
Mira Rakacolli, zevënësminister i Shëndetësisë dhe Mbrojtjes Sociale, ka firmosur shkresën për të lejuar të luhet sporti i basketbollit.
Kuptohet përmes një protokolli strikt hogjeno-sanitar imponuar nga pandemia globale Koronavirus.
Pas kërkesave të shumta për rifillimin e aktiviteteve sportive në salla të mbyllura, më në fund ka ardhur edhe përgjigja e shumëpritur.
Ministria e Shëndetësisë i ka kthyer përgjigje pozitive Federatës Shqiptare të Basketbollit për rifillimin e aktiviteteve, të cilat ishin ndaluar që prej marsit të vitit të kaluar, duke e bërë Shqipërinë vendin e vetëm në botë pa sporte të këtyre disiplinave.
“Ministria e Shëndetësisë dhe Mbrojtjes Sociale, miraton kërkesën tuaj për zhvillimin e ndeshjeve të basketbollit“, shkruhet në shkresë.