Firmos Cise, Vllaznia gati…
Lojtari nga Gana Salim Cise, firmos kontratë 1 vjeçare me kuqeblutë.
“Cise nuk është lojtari ynë. Ka ardhur në një provë 7 ditore dhe varet nga transferimi i Dungës”, deklaronte drejtori Matko Djarmati dy javë më parë.
Sot pasi është zyrtarizuar shitja e Ismael Dunga në Japoni te Sagan Tosu, vjen zyrtarizimi i Cisesë.
Njoftimi i Vllaznisë:
“KF Vllaznia bën të ditur se sot ka firmosur edhe me sulmuesin Salim Cisse. Ky i fundit kishte disa ditë që ishte në provë dhe stafi teknik ka dhënë OK-in për marrjen e tij. Kuptohet që pritshmëritë janë të mëdha sepse kemi të bëjmë me një lojtar cilësor i cili është formuar tek Akademia e Sportingut të Lisbonës. Kontrata e tij është njëvjeçare, me të drejtë zgjatje edhe për një tjetër, por kuptohet që performanca e tij në këto muajt e ardhshëm do të vendosë më shumë për këtë. Mirë se erdhe tek Vllaznia Salim!“,
