Vërshon “Shkumbini”
Shkumbini ka bërë histori në futbollin shqiptar dhe pas ‘lëkundjeve’ të sezonëve të fundit, kërkon të rikthehet. E ka nisur me kalimin e aksionëve te një president italian (Alesandro Borela) dhe një sërë projektesh kryesisht në infrastrukturë.
Ndërkaq, ditën e sotme, skuadra që militon në Kategorinë të Dytë, ka lançuar blerjet e para të cilat në total janë katër dhe që pritet ti bashkohen skuadrës.
Emiliano Lundraxhi, Igli Dakavelli, Rafael Barbosa dhe Evanilson Almeida janë lojtarët që kanë firmosur ditën e sotme dhe janë prezantuar në ambientet e klubit peqinas. Peqinasit kryesojnë bindshëm Grupin A të Kategorisë së Dytë me 19 pikë pas 7 ndeshjesh.