Hallaçi merr vendin e Gegës
Drejtimin e Kukësit pas Skënder Gegës e ka marrë Rrahman Hallaçi, deri dje me rol ndihmësi te verilindorët. Në fakt ish- kapiteni i Kukësit e drejtoi skuadrën si trajner i parë në momentin e infektimit të tropojanit 57 vjeçar me COVID-19.
Kukësi në njoftim:
“Skuadra ka zhvilluar sot stërvitjen e parë zyrtare nën drejtimin e trajnerit Rraman Hallaçi, në prag të ndeshjes ndaj Teutës, njëkohësisht e fundit për vitin 2020.
Ish-kapiteni Rraman Hallaçi, do të jetë trajneri i skuadrës së parë, duke qenë njohës i mirë i skuadrës dhe klubit. Me fanellën e Kukësit, si futbollist, Hallaçi ka fituar titullin kampion dhe tani është koha për të luftuar dhe fituar si trajner!
Suksese profesor Hallaçi!”