Fiton Levandovski
‘The Best FIFA Men’s Player 2020’,Robert Levandovski.
FIFA shpalli nga Zyrihu në një mbrëmje të rrallë përmes video-konferencave më të mirët e futbollit meshkuj dhe femra për vitin 2020.
Kushtëzuar nga pandemia globale gjithëçka erdhi e realizuar bukur me protagonistë nga e gjithë bota. Mjaft emocionues momenti i homazhit për Diego Armando Maradonën dhe Paolo Rosin, dy ish- futbollistët epikë,ndarë nga jeta pak kohë më parë.
Moderatori Rud Gulit: ‘Maradona është futbollisti më i mirë i historisë që unë kam parë”.
Në fund, u dha edhe Çmimi kryesor i mbrëmjes për Lojtarin më të Mirë të FIFA-s për 2020-ën. Mes tri kandidaturave: Ronaldo, Levandovski, Mesi, fitoi sulmuesi i Bajernit. Trofeun ia dorzoi Levandovskit në mënyrë të drejtpërdrejtë vetë presidenti i FIFA-s Xhani Infantino.
Çmimet:
Trajneri më i mirë: Jurgen Klop (Liverpul).
Portieri më i mirë: Manuel Nojer (Bajern Mynih)
Goli më i bukur, Çmimi Puskas: Son (Totenham)
Portierja më e mirë: Sara Bouhadi (Lyon)
Trajnerja më i mirë: Sarina Viegman (Holandë)
Tifozi më i mirë: Marivaldo Françisko da Silva (Brazil)
Çmimi Fair Play: Matia Agneze (Ospedaletti).
11-shja më e mirë, femra 2020:
Christiane Endler, Lucy Bronze, Wendie Renard, Millie Bright, Delphine Cascarino, Barbara Bonansea, Veronica Boquete, Megan Rapinoe, Pernille Harder, Vivianne Miedema, Tobin Heath.
11-shja më e mirë, meshkuj:
Alison, Alexander-Arnold, Van Dijk, Sergio Ramos, Davies, Kimmich, De Bruyne, Thiago Alcantara, Messi, Lewandowski. Cristiano Ronaldo.