Laçi e ka trajnerin…
Më kot kërkohen alibi. Stavri Nica do të drejtojë ‘Laçin A’ derisa të ‘mërzitet’. Durrsaku me origjinë korçare, i’u bashkua bardhezinëve gjatë verës për të drejtuar skuadrën U21.
Tani që Cungu u largua, presidenti Laska e afroi me marifet te ekipi i parë dhe përgjigja e 66 vjeçarit u pa menjëherë teksa ndaj Apolonisë, me të tijtë, fitoi 6-1.
Në fakt edhe pse në media kërkohet një trajner për Laçin, burime pranë klubit janë të bindur se tema e trajnerit të ri është mbyllur për momentin. Edhe pse Laska ka biseduar me disa teknikë potencialë.
Ndeshja që U21 e Laçit, luajtur në Cerrik me homologët vendas të Turbinës (1-3) u drejtua nga Klevis Hima me rol dytysor te bardhezinjtë si trajner i skuadrës së parë. Llogaritë janë të thjeshta…
