Tirana shkarkon trajnerin Egbo
Tirana e shkarkoi Emanuel Egbonë fill pas humbjes në kupë me Korabin.
Flitej prej kohësh që nigeriani ishte në fije të perit por sot pasi Tirana u mund 0-1 në shtesë nga dibranët, ka ardhur zyrtarizimi.
Klubi bardheblu i Tiranës i besoi Egbosë stolin edicion e kaluar teksa me nigerianin në timon, klubi më i titulluar në vend arriti të fitojë tiullin e 25 kampion.
Njoftimi i klubit:
Klubi i Futbollit Tirana njofton shkarkimin e trajnerit Emmanuel Egbo.
Pas ecurisë jo të mirë të skuadrës në ndeshjet e fundit, Egbo nuk do të jetë më në krye të bardhebluve për shkak të rezultateve të munguara.
Klubi e falenderon për përkushtimin dhe sukseset e arritura, të cilat kulmuan me kthimin e titullit kampion në shtëpi.
Duke i uruar suksese në karrierën e tij, kampi i kampionëve i jep një meritë të vecantë të suksesit në sezonin e shkuar njeriut që prej vitesh ishte edhe do të jetë pjesë e familjes së bardhebluve. Faleminderit Egbo!