Beqiri dhe Dama nisin përgatitoret me moshat e kuqezinjëve

Ekipi kuqezi U17 i drejtuar nga Elvin Beqiri dhe ai U15 drejtuar nga Armand Dama kanë nisur grumbullimet e tyre për një turne përgatitor që do varjojë deri në 4 ditë. Teknikët më së shumti kanë ftuar lojtarë që janë në Shqipëri teksa kanë parashikuar edhe ndeshje testuese.

“Dy kombëtaret shqiptare të moshave U-17 dhe U-15 kanë nisur këtë të hënë një grumbullim që do të zgjasë për 4 ditë me qëllim që të vëzhgohen nga afër lojtarët e talentuar të këtyre grupmoshave. Me Shqipërinë U-17, tekniku Elvin Beqiri ka grumbulluar 24 futbollistë të cilët aktivizohen në akademitë e vendit tonë sëbashku me mesfushorin Butrint Ahmeti i cili vjen nga skuadra e 2 Korrikut, Prishtinë.

Armand Dama, trajneri i kombëtares U-15 për këtë grumbullim ka afruar në skuadrën përfaqësuese 23 futbollistë. Lojtarët aktivizohen të gjithë në Shqipëri. Të dyja skuadrat përfaqësuese janë grumbulluar në kompleksin Tropikal në Durrës, dhe do të zhvillojnë këto ndeshje testuese sipas programit më poshtë:

Ditë e mërkurë, 28 tetor 2020 në kompleksin “Tropikal” ora 11:00
U-17 do të zhvillojë ndeshje ndaj kombëtares U-18 që do të grumbullohet vetëm për këtë testuese.
U-15 do të zhvillojë ndeshje po ditën e mërkurë ndaj kombëtares U-16, që e cila grumbullohet vetëm për këtë miqësore.
Ditë e enjte, 29 tetor 2020 në “Olympic Park Durrës” ora 15:30
U-17 do të zhvillojë një ndeshje ndaj skuadrës U-19 të akademisë “Shqiponjat”
U-15 do të zhvillojë miqësore ndaj skuadrës U-17 të skuadrës U-17 të akademisë “Shqiponjat”. “- shkruan FSHF.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!