Derbi i ‘Madoninës’ fitohet nga…Ibra
Inter-Milan 1-2 (Lukaku 29’/ Ibrahimoviç 13′,16′)
Ndeshja e madhe e Seria A, Inter-Milan në sfidën kryesore sot në ‘San Siro’ i shkoi ekipit të Stefano Piolit.
Ibrahimoviç dy herë në pak minuta realizon dy gola për ekipin 7 herë kampion europe. Fillimisht penalltinë e goditur nga Ibra, pritet nga Handanoviç. Sulmuesi ndjek trajektoren e kalon me goditjen e dytë në rrjetë(13′).
Në të 16-ën, sërish suedezi në gol pas asistit të Leaos nga e majta për 0-2. Inter zgjohet në të 29-ën pas një aksioni nga e majta duke shkurtuar distancën. Topi kalon përpara Donarumës dhe mbërrin te shtylla e dytë aty ku Lukaku e kalon me një prekje në rrjetë 1-2
Pjesa e dytë ofroi duele të ashpra në mesfushë, tension, kartonë, raste por gola asnjë. Tri pikë për kuqezinjtë që befas e shohin vetën të vetëm në krye të Seria A me 12 pikë në katër takime.
Takimet e tjera të javës:
Napoli shpartallon Atalantën 4-1, ndërsa Sampdoria dhuron spektakël ndaj Lacios duke i shënuar 3 herë formacionit të S Inzagit. Ky takim, njohu sot edhe debutimin e Vedat Muriqit teksa kosovari 26 vjeçar u fut në lojë në të 59′-n.
Në mbrëmje Krotone -Juventus u mbyll në barazim 1-1.
Shifrat:
Napoli- Atalanta 4-1
Sampdoria- Lacio 3-0
Inter- Milan 1-2
Krotone- Juventus 1-1
