Shqipëria dominon por goli ka humbur…
Nations League Grupi C4: Lituani- Shqipëri 0-0
Në këtë Kombëtare asgjë nuk kuptohet. Skuadra nuk i ngjan vetës në dy sfida radhazi por më e keqja ka humbur ‘goli’. Për pasojë sot në Vilnus të Lituanisë, ekipi e teknikut Edi Reja nuk shkon më shumë se barazimi 0-0.
Ndeshja nis me sulme të shumta të Shqipërisë.Inkursionet e Lenjanit në të majtë, volumi i tij por dhe rrezikshmëria e Seferit në zonë, i japin besim grupit të Edi Rejës i cili me të drejtë kërkoi një penallti në këtë pjesë (minuta e 24′). Aktive mesfusha me Laçin, Abrashin e Baren.
E dyta nis me largimin e Lenjanit, ndër më të mirët në fushë i cili zëvëndësohet nga Trashi.Pas disa inisiativave sporadike balltikase, vjen rasti ideal për Seferin në të 65′.
Sikundër në takimin me Kazakistanin, lojtari i Jang Bojs, del vetëm me portierin por sërish gjuajta është qëndrore dhe portieri devijon. Isniston Shqipëria dhe në të 90-ën’ Lorenc Trashi humb mundësinë për të shënuar nga fare pranë. Harkimi të Barës nga e djathta, gjën të lirë mbrojtësin por topi i goditur keq, kalon mbi traversë.
Llogaritë në fund, Lituania i merr 4 pikë Shqipërisë në dy takime.
Lituania: Svedslauskas,Mikoliunas (69′ Valtkunas), Palionis, Girdvainis, Beneta, Simkus, Dapkus, Novikovas, Golubiçkas (46′ Sirgedas), Lasiçkas, Laukzemis (88′ Cerniç)
Trajner: Valdas Urbonas
Shqipëria: Berisha, Kumbulla (58′ Mihaj), Gjimshiti, Dermaku, Veseli, Bare, Laçi (64′ Çekiçi), Abrashi, Lenjani (46′ Trashi), Seferi (78′ Manaj), Broja (58′ Vrioni)
Trajner: Edi Reja