Shqipëria niset për Kazakistan
Në kuadër të takimit për Ligën e Kombëve Grupi C4, Kombëtarja kuqezi është nisur mengjesin e sotëm drejt Kazakistanit për sfidën e së dielës me vendasit kazakë. Asnjë lojtarë apo pjesëtarë i ekipet përfaqësues nuk ka rezultuar pozitiv pas testeve për Covid-19.
FSHF njofton:
Ekipi ynë kombëtar është nisur mëngjesin e sotëm për në Kazakistan, ku do të zhvillojë në 11 tetor ndeshjen e vlefshme për UEFA Nations League.
Përfaqësuesja e drejtuar nga tekniku Edoardo Reja është e plotë dhe pa asnjë mungesë sipas ndryshimeve të njoftuara ditën e djeshme. Gjithashtu janë marrë edhe përgjigjet e tamponit, ku të gjithë kuqezinjtë kanë rezultuar negativ ndaj COVID-19.
Shqipëria do të zhvillojë dy ndeshje në transfertë, të parën ne Kazakistan më 11 tetor dhe tre dite më pas në Lituani më 14 tetor.