Dhe Slovan Bratislava, “viktimë” e Covid-19
Jo vetëm Prishtina ka humbur 0-3 në tavolinë ndeshjen ndaj skuadrës Lincoln Red Imps të Gjibraltarit, planifikuar për t’u zhvilluar më 22 gusht për turin paraeliminator të Europa League.
Në pamundësi për të luajtur “play-off”-in e tyre, për shkak të rasteve pozitive të koronavirusit, e kanë patur edhe sllovakët, që humbën në tavolinë, pas studimit të dosjeve nga UEFA.
Slovan Bratislava duhej të kishin luajtur më 21 gusht kundër skuadrës Klaksvik të Ishujve Faroe, por e gjithë skuadra e Bratisllavës u karantinua nga autoritetet locale, pas dy provave pozitive të njëpasnjëshme, në dy ditë, për një nga lojtarët e Slovan.