Sinisha Mihajloviç, pozitiv me Covid-19
● Trajneri i Bolonjës është asimptomatik, por do të izolohet për dy javët e ardhshme
Nuk ka paqe për Sinisha Mihajloviç. Ish- futbollisti kampion europe me Zvezden (1991), kundërshtarin e Tiranës në turin e dytë kualifikues në Champions, rezlutoi pozitiv me COVID-19.
Klubi i Seria A, njofton se trajneri Sinisha Mihajloviç rezultoi pozitiv me Covid-19, pas testit të cilit iu nënshtrua kur ai sapo u kthye në Bolonjë.
“Trajneri, i cili është absolutisht asimptomatik, do të mbetet në izolim për dy javët e ardhshme, siç kërkohet nga protokolli qeveritar. Teste edhe në grupin e ekipit Primavera me rezultate të gjitha negative. Nesër do të kryhen testimet mbi lojtarët dhe bashkëpunëtorët e ekipit të Parë “-thuhet në njoftimin e klubit.
Afro një vit më parë, trajneri i Bolonjës njoftoi, se ishte i sëmurë me leuçemi dhe iu nënshtrua një transplanti të palcës së kockave. Gjendja e tij shëndetësore u përmirësua dhe Mihajloviç iu rikthye futbollit.
