Shkëndija dedikim presidentit për ditëlindje
Ekipi do të udhëtojë të mërkurën me çarter drejt Azerbajxhanit për tu ndeshur me Sumqayit FK në turin e parë kualifikues të Europa League.
Shkëndija e Tetovës në krye të së cilës vijon të drejtojë me kompetencë tekniku nga Tirana Ernest Gjoka,e ka nisur mjaft mirë edicionin e ri duke bashkëkryesuar me Sileks dhe skuadrën tjetër shqiptare Shkupi me nga 7 pikë pas tri raundëve.
Por sot i gjithë klubi tetovar, ka lënë për një çast angazhimet e ditës dhe ka uruar për ditëlindje me një status në zyrtare, presidentin e klubit Lazim Destanin.
Postimi:
“Kemi kënaqësinë që sot t’i urojmë ditëlindjen të parit të KF Shkëndija, z.Lazim Destani
I nderuar z. Lazim,
ne kuqezinjtë së bashku, futbollistët, stafi teknik, administrata dhe kryesia e klubit ju urojmë jetë të gjatë, shëndet dhe paçi gjithmonë lumturi së bashku me më të dashurit tuaj.
Besojmë fuqishëm se edhe ne do të kontribuojmë në gëzimet tuaja!
Gëzuar Ditëlindjen! “
