Bylis vendos ‘Malin’ në portë
Bylis skuadra që pati një edicion fantastik në gjysmën e parë të sezonit të shkuar, nga dje ka nisur fazat përgatitore për edicionin e ri të futbollit. Klubi me Dovedan në pankinë, ka konfirmuar afrimin e parë dhe ai figuron portieri Hektor Mali.
Lojtari më i ri i mallakastriotëve ishte pjesë e Devollit, por më herët ka veshur edhe uniformën e Pogradecit.
Mali ka firmosur kontratë tri vjeçare me klubin e ri dhe pritet të jetë ndër protagonistët e radhës në kuadratin që vjet pati ‘zot’ Isli Hidin.
Përpos aventurës me klubin e ri, për ish-portierin e Devollit, ky do të jetë angazhimi i parë në nivel superior.
