Erzeni me ndryshime, rikthehet në fushë
Skuadra e Erzenit të Shijakut, nuk ka humbur kohë dhe u është rikthyer menjëherë përgatitjeve për sezonin e ri futbollistik. Një fakt të tillë e bën të ditur faqja zyrtare e klubit shijakas.
Ndryshe nga sezoni që lamë pas, Erzeni ka të ngjarë të ketë një format krejtësisht ndryshe nga ai i sezonit të kaluar. Në radhët e tij nuk do të jenë të pranishëm jo pak, por gjashtë titularë, ku ndër më të spikaturit janë emrat e Orjon Xhemaljit, Denis Bibës dhe Xhynjet Çutrës.
Për momentin, drejtuesit e pankinës shijakase, kanë menduar që për sezonin e ri futbollistik skuadra të përbëhet me elementë rinj, në mënyrë që ata, me kalimin e viteve të fitojnë eksperiencën e duhur. Ndërkohë që skuadra dhe këtë vit do të drejtohet nga dyshja Bubeqi-Troplini
Nga Nderim GOCI