CAS, Trabzonspori humb gjyqin me UEFA-n
Gjykata e Arbitrazhit Sportiv (CAS) me seli në Lozanë të Zvicrës, njoftoi se ka refuzuar ankesën e klubit turk Trabzonspor, i cili kundërshton përjashtimin e tij nga UEFA në garat evropiane për sezonin 2020-2021.
Trabzonspor fitoi kualifikimin për pjesëmarrje në turin e parë në Champions League, pasi në kampionatin turk të Super Lig, u rendit i dyti pas Basaksehir. Por UEFA e ka përjashtuar klubin turk, për shkak të mosrespektimin e një marrëveshje financiare të lidhur në vitin 2016.
Për këtë arsye, tani skuadra e Beshiktashit, që është renditur në vendin e tretë në Super Lig, do të luajë në Champions League në vend të Trabzonsporit.
