Shehi pason të tjerët, largohet nga Kukësi
Ish-portieri kampion me Skënderbeun, Orges Shehi, pasi drejtoi korçarët një edicion si trajner, mori Kukësin gjatë marsit të këtij viti me qëllim titullin kampion ose Kupën e Shqipërisë.
Duke fluturuar nga Spanja, ku gjendej për një aventurë të re por mjaft të vështirë, Shehi e pati shumë të vështirë të rekuperojë 9 pikë në Kategorinë Superiore. As aty ku dukej më i sigurtë, Kupën e Shqipërisë, Kukësi u eliminua nga Teuta.
Për “Abc News” ish-portieri i Kombëtares, durrsaku Shehi, ka thënë: “Pas bisedës me presidentin kemi mbyllur bashkëpunimin dhe kemi falënderuar njëri-tjetrin. I uruam suksese njëri-tjetrit dhe nga ana ime presidenti ka respektin dhe vlerësimin maksimal”.
Ndërkaq edhe klubi i Kukësit ka postuar lajmin duke zyrtarizuar largimin e Shehit.