Vardi pa Champions, fiton ‘Këpucën e Artë’
Nuk shënoi sot, por 33-vjeçari Xhimi Vardi është fituesi i “Këpucës së Artë” në Premier League për sezonin futbollistik 2019-20.
Sulmuesi i Leiçester arriti të depozitojë në 38 javë 23 topa në rrjetat kundërshtare, duke u bërë i pakapshëm për rivalët e tjerë.
‘Dhelpra’ numër 1, kaloi në këtë duel sulmuesit Abumejang, Sterling, Salah etj. Të gjithë futbollistë me cilësi të jashtëzakonshme përpara porte.
Gjithsesi ky sukses individual i Vardit dhe vijimësia e tij me shënimin e golave në kupat e Europës do të jetë vetëm në Europa League, pasi sot në ndeshjen e fundit, Leiçester u mund 0-2 nga Junajtid.