Pogradeci i dyti, Veleçiku thuajse i rrëzuar
Raportohet se pas ndeshjes ka patur dhunë në ‘Ismail Xhemali’ të Pukës. Ndërhyn FNSH-ja për të qetësuar situatën…
Kategoria e Parë zbriti sot në fushë për të dhënë verdikte finale apo për të shtruar rrugë drejt objektivëve sezonalë. Kështu në Grupin A faza “play-off”, Kastrioti me biletën për në Superiore mundi Erzenin 3-2, duke merituar në fund trofeun e fituesit të Grupit A.
Për zonën “play-out”, Veleçiku mbylli llogaritë, duke u rrëzuar thuajse plotësisht nga Kategoria. Edhe Tërbuni ndërlikon situatën, teksa barazon në shtëpi me Egnatian 1-1. Në fund pati një përplasje verbale mes stafeve dhe situata u agravua ndjeshëm. Forcat e rendit vendosën qetësi.
Ndërkaq beteja e zonës “play-off” në Grupin B mes Pogradecit dhe Lushnjës i shkoi skuadrës vendase, e cila fitoi 1-0.
Me këtë rezultat, Pogradeci do të luajë një takim shtesë me të dytën e grupit A, Besëlidhjen, për të përcaktuar dhe skuadrën që do të luajë një biletë për në Superiore me vendin e 8-të të Superiores.
Rezultatet sot:
Kastrioti- Erzeni 3-2
Korabi-Besëlidhja 1-1
Veleçiku- Burreli 0-0
Tërbuni-Egnatia 1-1
Pogradeci- Lushnja 1-0
Besa- Apolonia 3-3.