Teuta magjeps në shtëpi, shkon në finale të Kupës
Gjysmëfinalja e Kupës në ‘Niko Dovana’: Teuta-Kukësi 2-1 (0-0) (Kapllani 73′, R. Hoxha 83’/ Rroca 49′)
Teuta-Kukësi në takimin e kthimit të gjysmëfinales së Kupës së 68-të të Shqipërisë. Vendimtare sfida në kërkim të finales. Teuta sikurse Kukësi, kanë hedhur formacionet më të mirë, duke treguar se e duan fort finalen e 2 gushtit.
Pas një pjese të parë me disa mundesi për Teutën, starti i se dytës sjell golin e Rroces për miqtë. Aksioni nga e majta me topin që mbërrin te numri 10 verilindor teksa godet thuajse mbi vijën e zonës për në të djathtë të Frashërit.
Nuk dekurajohet Teuta, e cila dy herë, me Kapllanain në të 73′ dhe Hoxhën në të 83′ shënon për 2-1. Martini sapo kishte hedhur në fushë 19 vjeçarin Dejvid Kapllani i cili me një gjuajtje të kalibdruar nga jashtë zone lë pa lëvizur Xhikën.
Kryevepra tjetër erdhi pas një goditje dënimi 7 minuta nga fundi. Kallaku ekzekuton për mrekulli dhe rustëm Hoxha me kokë depoziton në rrjetë.Teuta në finale, në 2 gusht e pret Tirana.
