Vllaznia, për herë të 7-të kampione e Shqipërisë…
KF Vllaznia është shpallur zyrtarisht kampione e Shqipërisë për femra në futboll. Skuadra shkodrane e mbylli kampionatin kombëtar në krye të renditjes me 52 pikë pas 18 javësh.
Në një kohë, që titullin e kishte siguruar që në javën e parafundit, Vllaznia triumfoi edhe në ndeshjen përmbyllëse të sezonit, duke mposhtur Tirana AS me rezultatin 4-1 në stadiumin “Loro Boriçi”.
Në ceremoninë e zhvilluar në fund të këtij takimi ishin anëtari i Komitetit Ekzekutiv të FSHF-së, Vasil Bici dhe ish-futbollisti i mirënjohur Sulejman Demollari, ata që i dorëzuan trofeun e kampionit Vllaznisë. Për t’u theksuar është fakti që skuadra e Vllaznisë për femra fiton titullin e shtatë kampion radhazi.