Teuta thyen Tiranën, ndizet kampionati…
Kategoria Superiore java e 29: Teuta- Tirana 1-0 (E. Vila 27′)
Emiljano Vila me golin e shënuar në ‘Niko Dovana’ i hap punë Tiranës në rrugën drejt titullit.
Në takimin përmbyllës të javës së 29-të kryesfida Teuta- Tirana foli për vendasit durrsakë teksa përpos lojes me mendim për shumicën e kohës, u treguan edhe menaxhues të mirë të situatave përgjatë lojes.
Me një Frashëri dikur pjesë e bardhebluve në lartësi në portë, por dhe grinten e gjithë grupit, djemtë e Martinit merituan tri pikë.
Tashmë Teuta totalisht në valle për një vend në kupat e europës pasi diferenca me zonën euro shkurtohet në dy pikë.
Në fakt Tirana pati epërsi në fraksionin e dytë duke krijuar dhe raste. Gjithësesi, kësaj radhe krahët nuk i funksionuan mirë dhe Kobina e Kale, morën pak përsipër.
Me kalimin e minutave Egbo pritej të freskonte ekipin. E bëri me shumë vonesë atëherë kur Tirana ishte bërë ‘nevrike’.Dalja e Celhakës në fund me karton të kuq ( dy të verdhë), një tjetër shqetësim për kryeqytetasit.
