Kupa/ Ndryshon ora, në Shkodër dhe Ballsh, ka ‘garë’
Edicioni i 68-të me dy skuadra të Kategorisë së Parë në garë. Apolonia dhe Besëlidhja, kërcënues për të mëdhatë e Superiores.
Ditën e enjte rikthehet Kupa e Shqipërisë, ku janë planifikuar të luhen edhe 4 sfidat e vlefshme për fazën gjysmëfinale.
Në Grupin A, Vllaznia e shokuar dje në kampionat pas humbjes në Laç, do të ndeshet me Teutën, në një duel mjaft të ekuilibruar.
Por për një vënd nga 4 të mundshem për në gjysmëfinale, në këtë grup, takohen edhe Tirana qe pret Besëlidhjen e Lezhës. Lezhjanët protagonistë absolutë në Kupë, pasi eliminuan skuadrën Partizani.
Apolonia njëra nga dy skuadrat e Kategorisë së Parë ende në garë, pret për llogari të Grupit B në shtëpi Kukësin, ndërkohë që Bylis pret Skënderbeun.
Ndeshjet e vajtjes, ishin planifikuar të luheshin në orën 17:30, por Sektori i Garave e ka afruar për në orën 17:00.
Turi çerekfinal (ndeshjet e para):
Tirana-Besëlidhja – 17:00
Vllaznia-Teuta – 17:00
Apolonia-Kukësi –17:00
Bylisi-Skënderbeu – 17:00
