Alban Xhaferi ‘basketbollisti’ i duhur për futbollin shkodran…
Nga:Isuf Myrtaj
Më parë ishte dëgjuar se për Vllazninë, interesohej ish-presidenti i klubit Valter Fushaj. Më pas, disa orvatje nga presidenti i nderit te Kukësi, Safet Gjici dhe tani nga presidenti i basketbollit të Vllaznisë, Alban Xhaferi.
Klubi i futbollit Vllaznia, deri tani pronë bashkie, e ka gati zgjidhjen. Gjithnjë nëse nuk operohet me ‘fatura’ të së shkuarës dhe ‘shkopinj nën rrota’.
Ai është Alban Xhaferi, presidenti aktual i skuadrës shkodrane të basketbollit. “Është e vertetë që kam shfaqur interes për të marrë klubin e futbollit Vllaznia.
Kam biseduar spontanisht me drejtuesit e lartë vendor. Tani jam duke pritur se çfarë do të ndodhë nga ana e drejtuesëve më të lartë të Bashkisë së Shkodrës,“- janë disa nga deklaratat e forta të Xhaferit, dhënë për ‘Panorama sport’.
Sakaq, edhe pse pandemi globale, bizensmenë dhe sipërmarrës, i ‘shtrijnë dorën’ sportit shkodran. Futbollit në veçanti. Aq i përgjumur për vite me radhë…
