Duka nën ‘akuzë’, klubet duan racionet… e UEFA-s
Pas Partizanit ankohet Lushnja, të tjerë klube gati të ‘shpërthejnë’ për fondin e UEFA-s.
Kur sekretari i përgjithshëm i Partizanit, Gerald Burba, u shpreh se një pjesë e madhe e fondeve të UEFA-s ka shkuar për një klub proviancial si verilindorët, Kukësi reagoi menjëherë dhe pasi argumetoi se meriton mbështetjen gjithçka u duk se u ‘fik’.
Por pas polemikes numër 1, teksa Federata Shqiptare e Futbollit i deklaroi 3,2 milione euro Kukësit, është Lushnja që ngre zërin duke e akuzuar hapur FSHF-në, se vepron me shumë standarte.
Ndërkohë proporcioni prej 75% të buxhetit ndihmës të UEFA-s, alokuar vetëm një klubi, mund të sjellë të tjera kundërshti. Kështu përpos Partizanit, Lushnjës edhe klube të tjerë si Laçi, apo Besa e Besëlidhja, etj, janë gati të shpërthejnë.
Kurbinasit, edhe pse gjatë dekadës së fundit kanë marrë pjesë 6 herë në Europë e kaluar dy ture teksa kanë fituar 2 Kupa e një Superkupë, ende nuk kanë një stadium, të kompozuar me shkallë në të katër anët. Për të mos folur me tej për impiant ndriçimi.
Edhe Besa plot histori e Besëlidhja e Lezhës, ‘nyje‘ e Shqpiërisë së ‘madhe’, nuk i ‘vërshëllehet’ asnjëherë…