Salihamixhiç, Nojer portier klasi, mund të ecim…
Manuel Nojer tashmë 34 vjeç, ka shfryrë prej ditësh lidhur me mungesën e zgjatjes së kontratës. Në këtë vorbull, i pyetur nga mediat sportive, Hasan Salihamixhiç, drejtori sportiv i Bajern Munih, foli për të ardhmen e portierit.
A duhet të kemi frikë nga largimi i Manuel Nojer nga Bajerni?
“Kontrata e portierit përfundon në 2021 por situata globale e pandemisë, ka komplikuar zgjatjen e kontratës”.
34-vjeçari u mërzit nga fakti se detaje të negociatave me klubin bavarez kishin dalë në shtyp. Megjithatë, për Hasan Salihamixhiç, nuk ka asgjë për t’u shqetësuar.
“Manuel e di se ne me të vërtetë e vlerësojmë. Kam luajtur me Oliver Kahn. Unë e di se sa i jep një portier i klasit botëror një ekipi. Manuel është një portier i klasit botëror.
Ai është shumë i rendësishëm në klubin tonë, kështu që shpresoj se mund të zgjasim marrëdhëniet tona me Manuel. Ne e kemi sqaruar pozicionin brenda. Mendoj se mund të ecim përpara,”- tha drejtori.
