FSHF, shkresë në… ‘qeveri’
Federata Shqiptare e Futbollit ka dërguar ditën e sotme një shkresë në Ministrinë e Shëndetit dhe Arsimit, me anë të së cilës kërkon rifillimin e stërvitjeve më 2 maj dhe zhvillimin e pjesës së mbetur të sezonit nga data 24 maji deri në javën e fundit të korrikut.
Në dokumentin e firmosur nga sekretari i përgjithshëm i FSHF-se, Ilir Shulku, kërkohet bashkëpunimi mes institucioneve, për të mbyllur në afatin e caktuar nga UEFA sezonin futbollistik 2019-20.
Mësohet se FSHF ka gati edhe kalendarin, që përkon me afatet kohore të kërkuara nga UEFA, pra datën 3 gusht. UEFA ka njoftuar se pas kësaj date nuk pranon më vonë emrat e skuadrave që do të marrin pjesë në Europë.
Pasi të mbyllet kampionati, do luhet edhe finalja e Kupës së Shqipërisë, në plan për më 26 korrik.
FSHF, dhe klubet, në pritje të përgjigjes së dy ministrive përkatëse (përgjegjëse).