Xhoao Mario: Feliks gaboi, të shkonte në Barcelonë…
Portugezi Xhoao Mario, mesfushori që luan aktualisht për Lokomotivën e Moskës, foli për Atletiko Madrid dhe shokun e tij në kombëtare Xhoao Feliks.
E quan hap të gabuar kalimin e fenomenit të ri portugez për te Atletiko. Mario thotë se stili i Benfikës dhe i Barcelonës janë më të ngjashëm dhe se Feliks do duhej të shkonte në Katalunjë.
Në intervistën e tij për mikrofonat e ‘Eleven Sports’ mesfushori tha: “Atletiko Madrid është një nga ekipet që punon më mirë në Spanjë. Duket sikur të ishte një skuadër italiane që luan në La Liga.
80% e lojës së Benfikës shkon në sulm, kështu që nuk është e lehtë të adaptosh lojën e Atletiko Madrid. Stili i Barcelonës është më i përshtatshëm për Feliks. Pasi la Benfikën mirë do të kishte bërë për të shkuar te Barcelona”- tha luzitani.